Aqtaý qalasyndaǵy Nazarbaev Ziiatkerlik mektebiniń ustazdary Uly Jeńistiń 75-jyldyǵyna orai úi terezelerin bezendire bastady. Erekshe estafetany qolǵa alǵan muǵalimder merekelik kóńil kúi qalyptastyrýdy maqsat tutqanyn aitady, - dep habarlaidy NZM baspasóz qyzmeti.
Estafetany oqý ornyndaǵy Orys tili kafedrasynyń muǵalimderi bastapty. Bólme terezesin jeńis taqyrybyna sai bezendirý arqyly karantinde ýaqytty ótkizip, otbasy múshelerine Uly Otan Soǵysynda beibit kún úshin janyn qiǵan maidangerlerdi bir ýaqyt eske alý múmkindigi ekenin aitady.
- Men úiimniń terezeleriniń áinekterin jýyp tazalaǵan edim. Keiin nege merekege orai bezendirmeske degen ideia keldi. Qolda bar materialdan «Jeńiske 75-jyl» dep jazyp, áinekterge jabystyrdym. Qaǵazdardy qiiý barysynda kishkentai jienim ne sebepti osylai jazyp jatqanym týraly surady. Sodan soń Uly Otan Soǵysy, batyrlarymyz ben maidanger qariialarymyz jaily aityp, tarihi derektermen bólistim. Bul onyń sanasynda uzaq saqtalatyndyǵyna senimim kámil, - deidi orys tili pániniń muǵalimi Azima Sýiýnalieva.
Bul chellendjdi ózge de pán kafedralary, oqýshylar ilip áketipti. Qazirdiń ózinde Aqtaýdaǵy jiyrmadan astam úide mundai kartinalar bar.
- Óz terezemizdi bezendirip bolǵan soń kórshilerimiz, kóshede ótip bara jatqan adamdardyń pozitivti reaktsiiasyn baiqadyq. Kóbi kreativti eken dep jymiiady. Al biz óz balalarymyzǵa soǵystyń zardaby men beibit ómirdiń mańyzdylyǵyn túsindirgenimizge qýanamyz, - deidi óner pániniń birlestiginiń muǵalimderi.
