اقتاۋ قالاسىنداعى نازارباەۆ زيياتكەرلٸك مەكتەبٸنٸڭ ۇستازدارى ۇلى جەڭٸستٸڭ 75-جىلدىعىنا وراي ٷي تەرەزەلەرٸن بەزەندٸرە باستادى. ەرەكشە ەستافەتانى قولعا العان مۇعالٸمدەر مەرەكەلٸك كٶڭٸل كٷي قالىپتاستىرۋدى ماقسات تۇتقانىن ايتادى, - دەپ حابارلايدى نزم باسپاسٶز قىزمەتٸ.
ەستافەتانى وقۋ ورنىنداعى ورىس تٸلٸ كافەدراسىنىڭ مۇعالٸمدەرٸ باستاپتى. بٶلمە تەرەزەسٸن جەڭٸس تاقىرىبىنا ساي بەزەندٸرۋ ارقىلى كارانتيندە ۋاقىتتى ٶتكٸزٸپ, وتباسى مٷشەلەرٸنە ۇلى وتان سوعىسىندا بەيبٸت كٷن ٷشٸن جانىن قيعان مايدانگەرلەردٸ بٸر ۋاقىت ەسكە الۋ مٷمكٸندٸگٸ ەكەنٸن ايتادى.
- مەن ٷيٸمنٸڭ تەرەزەلەرٸنٸڭ ەينەكتەرٸن جۋىپ تازالاعان ەدٸم. كەيٸن نەگە مەرەكەگە وراي بەزەندٸرمەسكە دەگەن يدەيا كەلدٸ. قولدا بار ماتەريالدان «جەڭٸسكە 75-جىل» دەپ جازىپ, ەينەكتەرگە جابىستىردىم. قاعازداردى قييۋ بارىسىندا كٸشكەنتاي جيەنٸم نە سەبەپتٸ وسىلاي جازىپ جاتقانىم تۋرالى سۇرادى. سودان سوڭ ۇلى وتان سوعىسى, باتىرلارىمىز بەن مايدانگەر قارييالارىمىز جايلى ايتىپ, تاريحي دەرەكتەرمەن بٶلٸستٸم. بۇل ونىڭ ساناسىندا ۇزاق ساقتالاتىندىعىنا سەنٸمٸم كەمٸل, - دەيدٸ ورىس تٸلٸ پەنٸنٸڭ مۇعالٸمٸ ازيما سۋيۋناليەۆا.
بۇل چەللەندجدٸ ٶزگە دە پەن كافەدرالارى, وقۋشىلار ٸلٸپ ەكەتٸپتٸ. قازٸردٸڭ ٶزٸندە اقتاۋداعى جيىرمادان استام ٷيدە مۇنداي كارتينالار بار.
- ٶز تەرەزەمٸزدٸ بەزەندٸرٸپ بولعان سوڭ كٶرشٸلەرٸمٸز, كٶشەدە ٶتٸپ بارا جاتقان ادامداردىڭ پوزيتيۆتٸ رەاكتسيياسىن بايقادىق. كٶبٸ كرەاتيۆتٸ ەكەن دەپ جىمييادى. ال بٸز ٶز بالالارىمىزعا سوعىستىڭ زاردابى مەن بەيبٸت ٶمٸردٸڭ ماڭىزدىلىعىن تٷسٸندٸرگەنٸمٸزگە قۋانامىز, - دەيدٸ ٶنەر پەنٸنٸڭ بٸرلەستٸگٸنٸڭ مۇعالٸمدەرٸ.
