Foto: Mańǵystaý oblysynyń ákimdigi
Aqtaýǵa ushaq apatyn birlesip tergeý úshin Ázerbaijannan arnaiy komissiia keldi, dep habarlaidy Ult.kz oblystyq ákimdikke silteme jasap.
Delegatsiiany Ázerbaijannyń tótenshe jaǵdailar ministri bastap keldi.
Mańǵystaý oblysynyń ákimi Nurdáýdet Qilybai pen Ázerbaijan úkimetiniń ókilderi qutqarý operatsiiasy aiasynda jasalatyn tiisti sharalardy pysyqtady. Qilybai zardap shekken azamattarǵa qajetti kómek kórsetilip jatqanyn aitty.
Aita keteri, Ázerbaijannan kelgen komissiianyń quramyna tótenshe jaǵdailar ministrinen bólek bas prokýrordyń orynbasary, densaýlyq saqtaý ministriniń orynbasary, azamattyq aviatsiia agenttigi basshysynyń orynbasary jáne AZAL áýe kompaniiasynyń vitse-prezidenti kiredi.
Sondai-aq osy eldiń prezidenti Ilham Áliev ushaq apatyn tergeý boiynsha memlekettik komissiiany qurýdy tapsyrdy. Ony premer-ministr Áli Asadov basqarady.
Qazaqstan da Aqtaý qalasy mańynda bolǵan qaiǵyly oqiǵanyń sebep-saldaryn tekserý úshin úkimettik komissiia qurdy. Al Toqaev Ázerbaijan prezidentine kóńil aitty.
Eske sala keteiik, búgin Bakýden Groznyiǵa ushqan Azerbaijan Airlines ushaǵy Aqtaý qalasynyń mańynda apatqa ushyrady. Bortta 69 adam, onyń ishinde 5 ekipaj bolǵan. Jańartylǵan málimet boiynsha 32 adam apattan aman qalǵan.
