فوتو: ماڭعىستاۋ وبلىسىنىڭ ەكٸمدٸگٸ
اقتاۋعا ۇشاق اپاتىن بٸرلەسٸپ تەرگەۋ ٷشٸن ەزەربايجاننان ارنايى كوميسسييا كەلدٸ, دەپ حابارلايدى Ult.kz وبلىستىق ەكٸمدٸككە سٸلتەمە جاساپ.
دەلەگاتسييانى ەزەربايجاننىڭ تٶتەنشە جاعدايلار مينيسترٸ باستاپ كەلدٸ.
ماڭعىستاۋ وبلىسىنىڭ ەكٸمٸ نۇردەۋدەت قيلىباي پەن ەزەربايجان ٷكٸمەتٸنٸڭ ٶكٸلدەرٸ قۇتقارۋ وپەراتسيياسى اياسىندا جاسالاتىن تيٸستٸ شارالاردى پىسىقتادى. قيلىباي زارداپ شەككەن ازاماتتارعا قاجەتتٸ كٶمەك كٶرسەتٸلٸپ جاتقانىن ايتتى.
ايتا كەتەرٸ, ەزەربايجاننان كەلگەن كوميسسييانىڭ قۇرامىنا تٶتەنشە جاعدايلار مينيسترٸنەن بٶلەك باس پروكۋروردىڭ ورىنباسارى, دەنساۋلىق ساقتاۋ مينيسترٸنٸڭ ورىنباسارى, ازاماتتىق اۆياتسييا اگەنتتٸگٸ باسشىسىنىڭ ورىنباسارى جەنە AZAL ەۋە كومپانيياسىنىڭ ۆيتسە-پرەزيدەنتٸ كٸرەدٸ.
سونداي-اق وسى ەلدٸڭ پرەزيدەنتٸ يلحام ەليەۆ ۇشاق اپاتىن تەرگەۋ بويىنشا مەملەكەتتٸك كوميسسييانى قۇرۋدى تاپسىردى. ونى پرەمەر-مينيستر ەلي اسادوۆ باسقارادى.
قازاقستان دا اقتاۋ قالاسى ماڭىندا بولعان قايعىلى وقيعانىڭ سەبەپ-سالدارىن تەكسەرۋ ٷشٸن ٷكٸمەتتٸك كوميسسييا قۇردى. ال توقاەۆ ەزەربايجان پرەزيدەنتٸنە كٶڭٸل ايتتى.
ەسكە سالا كەتەيٸك, بٷگٸن باكۋدەن گروزنىيعا ۇشقان Azerbaijan Airlines ۇشاعى اقتاۋ قالاسىنىڭ ماڭىندا اپاتقا ۇشىرادى. بورتتا 69 ادام, ونىڭ ٸشٸندە 5 ەكيپاج بولعان. جاڭارتىلعان مەلٸمەت بويىنشا 32 ادام اپاتتان امان قالعان.
