Aqtaýda tabylǵan arystan ushaqpen Almatyǵa jetkiziletin boldy. Bul týraly Orman sharýashylyǵy men janýarlar álemi komitetiniń baspasóz hatshysy Sáken Dildahmet málimdedi, dep habarlaidy "Ult aqparat".
Onyń aitýynsha, Mańǵystaý oblysy orman sharýashylyǵy men janýarlar álemi aýmaqtyq inspektsiiasynyń qyzmetkerleri men Almaty zoobaǵynyń veterinarlary Aqtaýdaǵy áýejaiǵa bet alǵan.
«Simba Almatyǵa búgin jetkiziledi. Odan ary zoobaqqa beriledi. Jyrtqysh qazir arnaiy jáshikte qamaýly. Ony jetkizýdi «Ohotzooprom» RMKK moinyna alǵan. Ortalyq mamandary janýarǵa osyndai yńǵaily jáshik jasady. Buiyrsa, keshke deiin arystan Almatyda bolady», - dep jazdy Facebook paraqshasynda Sáken Dildahmet.
Onyń aitýynsha, Almatyda ań patshasyn Almaty oblystyq orman sharýashlyǵy jáne janýarlar álemi inspektsiiasynyń jabaiy janýarlardy qonystandyrý ortalyǵynyń mamandary kútip alady.
Búgin tańerteń Simbaǵa anesteziialyq ekpe salynatyny jazylǵan bolatyn. Jyrtqysh áýe jolymen tasymaldaǵanda mazasy ketpes úshin arnaiy dárimen uiyqtatylady.
Aita ketý kerek, 25 maýsymda Mańǵystaý oblysynyń Aqshuqyr aýylynyń jergilikti turǵyndary kóshede júrgen arystandy kórip, dabyl qaqqan bolatyn. Jyrtqysh janýardy mamandar ustap, tsirkke tabystady.
