Aqtaý qalasyndaǵy Nazarbaev Ziiatkerlik mektebiniń oqýshylarynyń ata-analary «Meniń ómirimde qoldanylatyn maqal-mátelder» avtorlyq jobasyna belsendi qatysýda. Otbasynda ata-analar men balalar maqal-mátel aitý arqyly qazaqtyń naqyl sózderin urpaq sanasyna sińirýde.
Qazirgi tańda ósip kele jatqan jas urpaqqa maqaldyń mańyzyn túsindirýden buryn kitap oqytýdyń ózi qiyn ekeni ras. Sol sebepti de biz jobany qyzyqty ótkizý úshin ata-analardyń kómegine júginýdi uiǵardyq. «Nazarbaev Ziiatkerlik mektepteri» DBBU biylǵy oqý jylynda bastaǵan jobasy kieli Mańǵystaý óńiriniń otbasylarynda qoldaý tapty, - deidi bilim ordasynyń aǵa pedagog-kýratory Liazzat Bairǵalieva.
Onyń sózinshe, otbasy músheleri ózara jarysyp qana qoimai, jobany synyptar arasyndaǵy chellendjge ainaldyrypty. Júrekke jyly tietin beinematerialdar daiyndap, halyq danalyǵyn zamanaýi úlgide kórsetýge de atsalysyp jatqan kórinedi. Tómendegi beinematerial sózimizge dálel.
