Qazaqstandyq boksshy Meiirim Nursultanov (14-0, 8KO) Aqtaýda ótken kásipqoi boks keshinde óner kórsetti, dep habarlaidy QazAqparat Qazaqstannyń kásibi boksy paraqshasyna silteme jasap.
Nursultanov belarýs boksshysy Dmitrii Atrohovpen (16-11, 7KO) jekpe-jek ótkizdi. Orta salmaqtaǵy aiqas 8 raýndtan turdy jáne ol tóreshilerdiń biraýyzdy sheshimimen qazaqstandyq sportshynyń jeńisimen aiaqtaldy.
Osylaisha, Meiirim Nursultanov mansabyndaǵy 15-inshi jeńisine qol jetkizdi jáne osy ýaqytqa deiin birde-bir ret jeńilip kórmegen boksshy retinde qalýda. Sondai-aq ol orta salmaqtaǵy WBC (USNBC) chempiony ekenin aita keteiik.
Aqtaýdaǵy keshte sonymen qatar Bekzad Nurdáýletov profidegi úshinshi jekpe-jegin ótkizdi. Onyń qarsylasy ózbek Farrýh Djýraev (6-4-1, 2KO) boldy. Jartylai aýyr salmaqtaǵy kezdesý 8 raýndtan turdy. Tóreshiler jeńisti biraýyzdan Nurdáýletovke berdi.
Bekzad Nurdáýletov kásibi boksta úshinshi ret jeńiske jetti. Aita keteiik, ol 2019 jyly kásipqoi bokstan Álem chempionatynda altyn medal alǵan bolatyn. Profige ótken jyldyń qazan aiynda aýysty.
