Aqtaýda jasóspirimderdiń tóbelesi áleýmettik jelilerde tarap ketti, dep habarlaidy "Ult aqparat".
Kýágerlerdiń aitýynsha, oqiǵa keshe saǵat 16:00 shamasynda Aqtaý qalasynda 12-shaǵynaýdandaǵy 22-inshi úidiń janynda bolǵan. Tóbeles kezinde oq atylǵandai dybys shyqqan. Osy kezde jasóspirimderdiń bir bóligi qashyp ketse, qalǵandary tóbelesti jalǵastyra bergen. Degenmen, Mańǵystaý oblysy Politsiia departamenti baspasóz qyzmetiniń taratqan málimetinshe, tóbeles kezinde sýyq qarý paidalanylmaǵan.
«Oqiǵa ornyna Aqtaý qalalyq politsiia basqarmasynyń qyzmetkerleri bardy. Oq atylmaǵan. Tóbeleske qatysýshylardyń kimder ekeni anyqtaldy. Jasóspirimdermen jáne olardyń ata-analarymen profilaktikalyq áńgime júrgizildi. Material Aqtaý qalasy ákimdigi janyndaǵy kámeletke tolmaǵandardyń quqyǵyn qorǵaý komissiiasyna joldanady. Bul tóbeles týraly qońyraý 102 nómirine kelip túsken joq. Sondai-aq meditsinalyq kómek alý jóninde eshkim habarlaspaǵan», - delingen PD habarlamasynda.
