Qoǵamdyq kelisim men jalpyulttyq birliktiń modeli qandai? Kópultty Qazaqstan Respýblikasy ony qandai faktorlarmen damytady? Aqtaý qalasynda osy jáne basqa da suraqtardyń jaýabyn izdegen «Ulttyń uiysýy – odan ári damýdyń basty faktory» atty respýblikalyq lektoriým ótti, - dep habarlaidy «Ult aqparat».
Qalalyq Dostyq úiinde ótken respýblikalyq lektoriia aiasynda ishki saiasat salasy qyzmetkerleri men «Qoǵamdyq kelisim» KMM «Etnosaralyq qatynastardy damytý jáne orta merzimdi kezeńge arnalǵan basymdyqtardy iske asyrý jónindegi komitettiń qyzmeti týraly» taqyrybynda seminar boldy.
«Qazaqstan etnostary integratsiiasynyń negizgi institýty retinde Qazaqstan halqy Assambleiasynyń jumysy jetildirilip jatqanyn barshańyz bilesizder. Tek Qazaqstan ǵana emes, kóp ult ómir súretin kez kelgen memleket úshin mańyzdysy etnosaralyq qatynastardy damytý dep bilemin. Qazaqstan halqy Assambleiasy osy maqsatta qyrýar sharýa atqaryp keledi. Al Mańǵystaý oblysynda etnosaralyq ahýal óte turaqty ekenin de atap ótkim keledi. Bul bizdiń óńirdiń tynyshtyǵy men berekesi ekenin maqtanyshpen aitamyz», - dedi QR AQDM etnosaralyq qatynastardy damytý komiteti tóraǵasynyń orynbasary Erkin Úisimbaev.
Aita keteiik, Mańǵystaý halqy - oblysta 374,4 myńdai adam turady. Bul respýblika halqynyń 2,5%-ǵa jýyǵy. Halyqtyń basym bóligin qazaqtar quraidy (84,1%): qalǵandary orystar (10,5%), ázerbaijandar (1,1%), ýkraindar (0,9%), lezginder (0,6%), tatarlar (0,6%), armiandar (0,3%), cheshender (0,2%), koreiler (0,2%), belarýster (0,1%), nemister (0,1%) basqa ulttar (1,3%). Oblys turǵyndarynyń 68%-y (270,7 myń adam) qalada, 32%-y (119,4 myń adam) aýylda turady.
Atalǵan jiynda Mańǵystaý oblysyndaǵy etnosaralyq ahýal, jergilikti atqarýshy organdardyń jumysy qalai júrip jatqany jáne etnosaralyq qatynastardy damytý jónindegi bólimderdiń qyzmetin kúsheitý jáne olardy tán emes fýnktsiialardan bosatý qajettigi týraly máseleler talqylandy. Ol úshin óńirlerdegi etnosaralyq ahýaldy sapaly taldaýdy qamtamasyz etý boiynsha usynymdar ázirlendi.
QR AQDM etnosaralyq qatynastardy damytý komitetiniń basqarma basshysy Májitov Maqsat etnosaralyq qatynastar salasynan basqa, Komitet sheteldegi otandastarǵa qatysty diasporalyq saiasatty júzege asyratynyn atap ótti.
«Biz kópultty memleket qana emes, ózge memleketterde de qmir súretin danyshpan halyqpyz. Degenmen tańdyr jolymen elden údere kóshken halyqtyń syrttaǵy jaǵdaiyn da únemi baqylaýda ustap otyrmyz. Bizdiń komitet sheteldegi otandastarǵa qatysty diasporalyq saiasatty júzege asyrady. Al ony iske asyrý sheńberinde sheteldegi qazaq diasporalary men Qazaqstanǵa oralǵan otandastardy qoldaýǵa baǵyttalǵan birqatar sharalar qamtamasyz etildi. Sheteldegi etnikalyq qazaqtarmen jáne otandastarmen mádeni-gýmanitarlyq yntymaqtastyqty damytý jalǵasyp jatyr», - dedi QR AQDM etnosaralyq qatynastardy damytý komitetiniń basqarma basshysy Maqsat Májitov.
Esterińizge sala keteiik, Aqtaý qalasynda «Ulttyń uiysýy – odan ári damýdyń basty faktory» atty respýblikalyq lektoriým ótti. Jiynǵa qatysýshylar Qoǵamdyq kelisim men jalpyulttyq birliktiń modeli qandai? Kópultty Qazaqstan Respýblikasy ony qandai faktorlarmen damytady? Osy jáne basqa da suraqtardyń jaýabyn izdegen Qalalyq Dostyq úiinde ótken respýblikalyq lektoriia aiasynda ishki saiasat salasy qyzmetkerleri men «Qoǵamdyq kelisim» KMM «Etnosaralyq qatynastardy damytý jáne orta merzimdi kezeńge arnalǵan basymdyqtardy iske asyrý jónindegi komitettiń qyzmeti týraly» taqyrybynda seminar boldy. Spikerler retinde QR AQDM etnosaralyq qatynastardy damytý komiteti tóraǵasynyń orynbasary Úisimbaev Erkin jáne QR AQDM etnosaralyq qatynastardy damytý komitetiniń basqarma basshysy Májitov Maqsat shaqyryldy.
