Aqtaýda rep oryndaýshysynyń kontsertin tamashalaýǵa kelgen 70-ten astam adam túngi klýbtyń aldyna jinalǵan, dep habarlaidy "Ult aqparat".
Kelýshilerdi politsiia qyzmetkerleri baiqap, monitoring top ókilderin shaqyrǵan. Monitoring top kontsertti toqtatyp, is-sharany uiymdastyrýshylarǵa ákimshilik kodekstiń 425-baby boiynsha aiyppul salyndy.
Mańǵystaý oblysynyń Politsiia departmenti baspasóz qyzmetiniń habarlaýynsha, V $ X V PRiNCE (Asha Prints) laqap atymen tanymal rep oryndaýshynyń kontserti ótpek bolǵan.
«5 jeltoqsan kúni saǵat 21:40-ta 7 jáne 9 shaǵyn aýdandarda patrýldeý kezinde ýchaskelik inspektorlar: politsiia maiory D.Iatsko men politsiia kapitany R. Aliev «N2O«klýbyna kire beriste 70-ten astam adamnyń jinalǵanyn baiqaidy. Politseiler kelýshilermen sóilesip, «N2O» klýbynda kontsert ótip jatqanyn anyqtaǵan. Mobildi monitoringtik top shaqyryldy, (ákimdik, ses, ákimdiktiń baspasóz qyzmeti) kontsert toqtatyldy. Kontserttiń uiymdastyrýshysyna QR ÁQBtK-niń 425-baby boiynsha material jinaldy», - dep habarlady Mańǵystaý oblysy politsiia departamentiniń baspasóz qyzmeti.
Ákimshilik kodekstiń 425-babyn buzǵany úshin jeke tulǵalarǵa - 30 AEK mólsherinde, laýazymdy tulǵalarǵa, shaǵyn kásipkerlik sýbektilerine nemese kommertsiialyq emes uiymdarǵa - 230 AEK mólsherinde, orta kásipkerlik sýbektilerine-310 AEK mólsherinde, iri kásipkerlik sýbektilerine - 1600 AEK mólsherinde aiyppul salý túrindegi ákimshilik jaza qarastyrylǵan.
