videodan alynǵan kadr
Aqtaýda jappai tóbeles bolyp, oqiǵa saldarynan bir adam qaza tapty, - dep habarlaidy "Ult aqparat".
Buǵan deiin jergilikti bloger Azamat Sársenbaev Instagram paraqshasynda mamyrdyń basynda bolǵan jappai tóbelestiń videosyn jariialaǵan bolatyn.
Onyń aitýynsha, jańaózendik bir top azamat Aqtaýdaǵy klýbqa demalýǵa barǵan, biraq kúzetshiler olardy ótkizbei, aralarynda janjal shyǵyp, arty tóbeleske ulasqan.
"Kúzetshilerdiń biri er adamdy uryp, ol basyn jol jiegindegi tsementke soǵyp, esinen tanyp qalǵan. Oqiǵa kezinde zardap shekken jigitti dostary páterge alyp ketken. Sol jerde esin jiyp, basy aýyryp turǵanyn aityp, uiyqtap qalady. Kelesi kúni 1987 jyly týǵan er adam, úsh balanyń ákesi miyna qan quiylyp qaza bolady", - dep jazdy Sársenbaev.
IIM baspasóz qyzmetiniń málimetinshe, bul derek QR QK-nyń 106-baby 3-bóligi boiynsha Aqtaý qalasy PB SDTBT-de tirkelgen.
"Politsiia qyzmetkerlerimen 31 jastaǵy kúdikti ustaldy, sottyń sanktsiiasymen ol 2 aiǵa qamaýǵa alyndy.
36 jastaǵy jábirlenýshi alǵan jaraqattarynan aýrýhanada qaza boldy.
Sotaldy tergeý jalǵasyp jatyr. Tergeý múddesi úshin ózge aqparat jariia etilmeidi", - delingen habarlamada.
Sonymen qatar, oiyn-saýyq mekemelerinde quqyq buzýshylyqtardyń aldyn alý maqsatynda prokýratýra organdarynyń úilestirýimen politsiia organdarymen "Montana Blanka", "Vinyl", "Gremmis" jáne "Wow" túngi kóńil kóterý oryndarynyń janynan statsionarlyq politsiia beketterin ornatý týraly másele sheshilgen. Jaqyn arada posttar ornatylady.
