Aqtaý qalasynda saýnaǵa barǵan qyryqqa jýyq adam ustaldy, dep habarlady Mańǵystaý oblysy politsiia departamenti.
8 tamyzda kriminaldy politsiia basqarmasy men SOBR qyzmetkerleri 23:00-de 22-shi shaǵyn aýdandaǵy saýnada tekseris júrgizdi.
"40-qa jýyq adam ustaldy. Politseiler sshekteýge qaramastan, saýna jumys istep turǵanyn anyqtady. 15 kabinada adam bolǵan. Karantin rejimin buzǵandarǵa qatysty 425-bapqa sáikes ákimshilik hattama toltyryldy", -dedi departamenttiń baspasóz qyzmeti.
Aqparat Mańǵystaý oblysy sanitarlyq-epidemiologiialyq qadaǵalaý departamentine jiberildi.
Mekeme iesi Abdýrahim Qalimov karantin rejimin buzdy degen sheshimmen kelispei otyr.
"Bizde qoǵamdyq monsha emes. Jeke kabinalar ǵana bar. Al sońǵysynyń jumysyna tyiym salynǵan joq. Mańǵystaý oblysy sanitarlyq dárigeriniń №35 qaýlysynda jazylmaǵan", - deidi "Týmba" basylymy Kalimovqa silteme jasap.
Politsiia departamenti de sanitar dárigerdiń qaýlysyna negizdelip otyr.
"Qujatta jeke kabinalar jumys isteýine bolady dep jazylmaǵan. Mundai jaǵdai úshin ózge saýna ieleri jaýapkershilikke tartyldy", - dedi politsiiada.
Sot sheshim shyǵaratyn bolady.
