Lada.kz
Aqtaýda itbalyq balalarǵa shabýyl jasaǵan. Oqiǵa 14-shaǵynaýdanda, jaǵalaýǵa jaqyn mańda bolǵan, - dep habarlaidy Tengrinews.kz agenttigi "Lada" portalyna silteme jasap.
Zardap shekkenderdiń biriniń anasynyń aitýynsha, onyń 12 jastaǵy qyzy qurbysymen birge 14-shaǵynaýdanda, jaǵalaýǵa jaqyn mańda shomylǵan. Kenet olarǵa itbalyq shabýyl jasaǵan, ol qyzdardyń biriniń qolyn tistegen, ekinshisiniń iyǵy men arqasyn tistegen.
"Biz onyń onda júzip júrgenin de bilmedik. Ol júzip kelip, bizge shabýyl jasady", - deidi qyzdar.
Qyzdyń anasynyń aitýynsha, olar shoshyp ketken. Jaǵalaýda bolǵan eresekter bul jaǵdaiǵa mán bermegen. Qyzy dereý qońyraý shalyp, bolǵan jaǵdaidy anasyna aitqan. Áiel birden kelip, ekeýin de Oblystyq aýrýhananyń qabyldaý bólmesine aparǵan. 16 qyrkúiekke deiin zardap shekkenderge ekpe salynady.
Sondai-aq, qyzdyń anasy Tótenshe jaǵdai departamentine 14-shaǵynaýdan jaǵalaýyna qutqarýshylar qoiý keregin aityp júgingen.
