Aqtaýda lotereia klýbyna qaraqshylyq shabýyl jasaldy, dep habarlaidy "Ult aqparat".
Qaraqshylar mekemeden bir millionnan astam teńge alyp ketti.
Oqiǵa 5 shaǵyn aýdandaǵy «Loto Club» lotereia klýbynda bolǵan. Ol jerge eki er adam kirip kelip, qomaqty qarjyny qoldy qylǵan.
«Qaskúnemder kúzetshi men kassirshi qyzdy pyshaqpen qorqytqan. Osylaisha, kassadan 1 million 150 myń teńge urlap, sodan keiin oqiǵa ornynan qashyp ketken», - dep habarlady oblystyq politsiia departamentiniń baspasóz qyzmeti.
Jedel-izdestirý sharalaryn júrgizý barysynda politsiia qyzmetkerleri Mańǵystaý oblysynyń eki turǵynyn anyqtap, ustady.
«Atalǵan derek boiynsha QR QK 192-babynyń 2-bóligi boiynsha sotqa deiingi tergeý bastaldy. Mamandandyrylǵan tergeý sotynyń sanktsiiasymen ustalǵandarǵa qatysty kúzetpen ustaý túrindegi bultartpaý sharasy tańdaldy. Ózge aqparat tergeý múddesine bailanysty jariia etilmeidi», - delingen habarlamada.
