اقتاۋدا لوتەرەيا كلۋبىنا قاراقشىلىق شابۋىل جاسالدى, دەپ حابارلايدى "ۇلت اقپارات".
قاراقشىلار مەكەمەدەن بٸر ميلليوننان استام تەڭگە الىپ كەتتٸ.
وقيعا 5 شاعىن اۋدانداعى «Loto Club» لوتەرەيا كلۋبىندا بولعان. ول جەرگە ەكٸ ەر ادام كٸرٸپ كەلٸپ, قوماقتى قارجىنى قولدى قىلعان.
«قاسكٷنەمدەر كٷزەتشٸ مەن كاسسيرشٸ قىزدى پىشاقپەن قورقىتقان. وسىلايشا, كاسسادان 1 ميلليون 150 مىڭ تەڭگە ۇرلاپ, سودان كەيٸن وقيعا ورنىنان قاشىپ كەتكەن», - دەپ حابارلادى وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
جەدەل-ٸزدەستٸرۋ شارالارىن جٷرگٸزۋ بارىسىندا پوليتسييا قىزمەتكەرلەرٸ ماڭعىستاۋ وبلىسىنىڭ ەكٸ تۇرعىنىن انىقتاپ, ۇستادى.
«اتالعان دەرەك بويىنشا قر قك 192-بابىنىڭ 2-بٶلٸگٸ بويىنشا سوتقا دەيٸنگٸ تەرگەۋ باستالدى. مامانداندىرىلعان تەرگەۋ سوتىنىڭ سانكتسيياسىمەن ۇستالعاندارعا قاتىستى كٷزەتپەن ۇستاۋ تٷرٸندەگٸ بۇلتارتپاۋ شاراسى تاڭدالدى. ٶزگە اقپارات تەرگەۋ مٷددەسٸنە بايلانىستى جارييا ەتٸلمەيدٸ», - دەلٸنگەن حابارلامادا.
