Aqtaýlyqtar toi ótkizetin jańa oryn tapty. Jas jubailar úilený toiyn parkingte ótkizgen, dep habarlaidy "Ult aqparat".
Olardyń videosy áleýmettik jelide keńinen tarady. Beinetaspa Aqtaý qalasynda túsirilgen. Onda toidy júrgizetin asaba qaladaǵy turǵyn úilerdiń birinde dúbirli karantin kezinde toi ótkizýdiń «úlgisin» kórsetedi.
«Al, qurmetti qurmetti qonaqtar! Búgingi toiǵa qosh keldińizder! Eki jas baqytty bolsyn. Parkingtegi toidy eshkim kórmegen shyǵar. Biz bastap jatyrmyz. Betasharǵa daiyn bolyńyzdar», - deidi asaba.
Toi 35 shaǵyn aýdandaǵy úilerdiń biriniń jerasty turaǵynda ótken. Politseiler toi ieleriniń kim ekenin anyqtaǵan. Mereke iesiniń aitýynsha, olar uzaq otyrmaǵan. Sebebi parking óte sýyq bolǵan. Toi iesi men asabadan da túsinikteme alynǵan. Qazir karantin talaptaryn buzǵandardyń isi monitoring topqa tapsyryldy.
