"Kaspii" men "Astana" matchynan keiin politsiia bes jankúierdi ustady. Olar Aqtaýdyń politsiia basqarmasyna jetkizildi, dep jazady Sputnik Qazaqstan portaly "Lada" saityna silteme jasap.
Alań ieleri 0:1 esebimen jeńilgen bolatyn. Jankúierler match nátijesine narazylyq tanytty. "Kaspii" komandasynyń eki jankúieri alańǵa júgirip shyǵyp, tóreshiler brigadasyna bardy. Eki-úsh minýttan soń politseiler olardy ornyna qaitardy.
"Kezdesý aiaqtalǵan soń "Kaspii" jankúierleri stadion aýmaǵynyń artynda jinalyp, baraban uryp, narazylyǵyn bildirdi. Olar "Astana" fýtbol klýby avtobýsynyń ótýine kedergi jasaýǵa tyrysty. Politsiia eskertýine mán bermedi. Bes jankúier ustalyp, túsindirý jumysyn júrgizý úshin qalalyq politsiia bólimine jetkizildi. Budan soń ózgeleri tarqady", - dedi politsiia departamentinde.
"Astana" fýtbol klýbynyń eki avtobýsy politsiiamen birge qonaqúige jetkizildi. Fýtbolshylardy tártip saqshylary kúzetke aldy.
