Aqtaýda №8 mekteptiń oqýshylary synyptasyn skotchpen tireýishke bailap, basyna jumyrtqa laqtyrǵan, dep habarlaidy "Ult aqparat".
Olar óz áreketin videoǵa túsirip, áleýmettik jelige jariialaǵan. Osy oqiǵaǵa qatysty jeli paidalanýshylary arasynda daý týǵan bolatyn. Áleýmettik jelide taraǵan beinetaspada oqýshylar synyptasyn skotchpen bailap qoiyp, jumyrtqa laqtyryp, balany jylatady. Degenmen, osy jaǵdaiǵa qatysty oqýshynyń ata-anasy esh jerge shaǵymdanbaǵan.
«Ata-anamen jáne oqýshylarmen jumys júrgizildi. Beinetaspada boi kórsetken barlyq oqýshymen sóilestik. Balanyń ata-anasy shaǵym jazbady. Oqýshylardyń barlyǵy - tártipti jáne úlgerimi jaqsy balalar. Anyqtalǵandai, olar bul áreketin oinap jasaǵan», - deidi Mańǵystaý oblystyq bilim basqarmasy basshysynyń orynbasary Aijaqsy Turjanova.
Oblystyq IID baspasóz qyzmeti osyǵan bailanysty Aqtaý qalasy mektep oqýshylarynyń ata-analaryna qatysty mektep inspektorymen birge is-sharalar qolǵa alynǵanyn málimdedi.
«Bul jaǵdai boiynsha jinalǵan qujattar Aqtaý qalasy ákimdiginiń janyndaǵy kámeletke tolmaǵandar isteri jónindegi komissiiaǵa joldanady» delingen habarlamada.
