Aqtaýda áskeri qyzmetker meningitke shaldyqty degen kúdikpen aýrýhanaǵa jatqyzyldy, dep habarlaidy sputniknews.kz densaýlyq saqtaý ministrligi baspasóz qyzmetiniń basshysy Gaýhar Bisarinaǵa silteme jasap.
Onyń bergen málimeti boiynsha, 21 jastaǵy áskeri qyzmetkerdi 30 qyrkúiekte áskeri bólimsheden Aqtaý qalasynyń juqpaly aýrýlar aýrýhanasyna jetkizipti.
"1997 jyly týǵan sarbaz meningokokk infektsiiasyn juqtyrdy degen kúdikpen aýrýhanaǵa jatqyzyldy. Ol 27 qyrkúiekte aýyryp qalǵan, tynys joldarynyń jiti aýrýy jáne jelsheshek degen diagnozben áskeri meditsinalyq bólimshede em alady. Qazir laborotoriialyq zertteý júrgizilip jatyr. Jaǵdaiy aýyr", — dep habarlady Bisarina.
Áskeri qyzmetker 355 adammen bailanysta bolǵan. Qazir bári baqylaýǵa alynyp otyr.
2018 jyly Qazaqstanda 80-nen astam adam meningitke shaldyǵyp, 16-sy kóz jumǵan bolatyn.
