video kadry
Aqtaýda 31 «A» shaǵynaýdanynda ornalasqan Halyk Bank-ke shabýyl jasap, kelýshilerdi pyshaqpen qorqytqan 43 jastaǵy kúdikti ustaldy. Bul týraly Mańǵystaý oblystyq politsiia departamentiniń baspasóz qyzmeti málim etti, dep habarlaidy QazAqparat portaly.
Oqiǵa 16 qańtarda bolǵan.
«Belgisiz bireý mas kúiinde 31 «A» shaǵynaýdanynda ornalasqan Halyk Bank bólimshesine qaraqshylyq shabýyl jasap, bankke kelýshilerge pyshaq kórsetken. Jedel izdestirý sharalary barysynda Aqtaý qalasy politsiia basqarmasy kriminaldyq politsiia qyzmetkerleri 43 jastaǵy kúdiktini ustady» delingen baspasóz málimetinde.
Atalǵan derek Aqtaý qalasy politsiia basqarmasynda QR Qylmystyq kodeksiniń 191-baby boiynsha tirkeldi.
Kúdikti ýaqytsha ustaý izoliatoryna qamaldy. Tergeý amaldary júrgizilip jatyr.
