Aqtaýda patrýldik politsiia talaptaryna baǵynbaǵan jasóspirim ustaldy, dep habarlaidy "Ult aqparat" Polisia.kz Telegram-arnasyna silteme jasap.
"7 aqpan tańǵy ýaqytta 30 jáne 19-shy shaǵyn aýdandar aralyǵynda jol erejelerin saqtamai kele jatqan Toyota Prado avtokóligi nazarǵa ilindi. Júrgizýshi politseilerdiń kólikti toqtatý týraly zańdy talaptaryna baǵynbai, jaýapkershilikten jaltarý maqsatynda qashýǵa árekettengen.
Kólik kóp uzamai politsiianyń qosymsha kúshteriniń kómegimen 30-shy shaǵyn aýdanda toqtatyldy" - delingen habarlamada.
Tekserý barysynda júrgizýshi 13 jastaǵy jasóspirim ekeni anyqtalǵan. Patrýldik politsiia qyzmetkerleri ony kámeletke tolmaǵandar jónindegi inspektorlarǵa tapsyryp, zańdy ókiline QR ÁQBtK-niń 612-baby 5-bóligi boiynsha ákimshilik hattama toltyrǵan. Avtokólik aiypturaqqa qoiyldy.
