video kadrlary
Aqtaýda er adamnyń ústine turǵyn úidiń altynshy qabatynan divan qulady. Zardap shekken adamnyń moiyn omyrtqasy synǵan, dep habarlaidy Sputnik Qazaqstan portaly InAktau saityna silteme jasap.
Oqiǵa 12 qańtarda kúndiz bolǵan. Turǵyndardyń biri divandy altynshy qabattan laqtyryp jibergen. Aýyr jihaz sol mańnan ótip bara jatqan 39 jastaǵy er adamnyń ústine túsken.
"Ol jerde 11 balasy bar kópbalaly otbasy turady deidi. Shamamen, oqiǵa bolǵan ýaqytta 12-13 jastaǵy jasóspirimdi baiqapty. Al ata-anasy úide bolmaǵan. Biz divandy laqtyrǵan sátti kórgen kýágerlerdi izdep jatyrmyz. +7702 811 03 82 nómirine habarlasýǵa bolady", - deidi zardap shekken er adamnyń baýyry Aman.
Qazir 39 jastaǵy er adam Mańǵystaý oblystyq aýrýhanasynda jatyr. Týystarynyń aitýynsha, onyń moiyn omyrtqasy synǵan, qol-aiaǵy istemeidi.
"Politsiia qyzmetkerleri tek keshke qarai keldi", - deidi baýyry.
