© Sputnik / Vladislav Vodnev
Aqtaý qalasynda 6656 áskeri bóliminiń sarbazy Baǵlan Ádilbekov izdestirilip jatyr. Bul týraly Sputink Qazaqstan agenttigi jazdy.
"14 mamyr kúni Aqtaý qalasynda 6656 áskeri bóliminiń sarbazy qoǵamdyq tártipti qamtamasyz etý qyzmetin atqarǵannan keiin, áskeri jasaqtardyń jinalý jáne áskeri bólimge ketý ornyna kelgen joq. Qazirgi ýaqytta ony izdestirý sharalary júrgizilip jatyr. Oqiǵanyń mán-jaiy anyqtalýda", - dep habarlady "Batys" óńirlik qolbasshylyǵynyń baspasóz qyzmeti.
Qatardaǵy jaýynger B.Ádilbekov 2021 jylǵy maýsym aiynda Aqtóbe qalasynyń Qorǵanys isteri jónindegi departamentinen shaqyrylǵan.
Jergilikti lada.kz portalynyń aqparatynsha, 18 jastaǵy sarbaz Baǵlan Ádilbekov 14 mamyr túngi saǵat on birde ketip qalǵan. Ol 4-shi shaǵyn aýdanda kóshe tártibin kúzetýge shyqqan.
Onyń ústinde "Ulttyq ulan" degen jazýy bar Ulttyq ulannyń kók tústi formasy jáne aiaǵynda qara tústi bertsy bolǵan.
