Aqtaýda Toyota Land Cruiser júrgizýshisi jaiaý júrginshiler ótkelinen ótip bara jatqan balaly áieldi qaǵyp óltirdi, - dep habarlaidy Tengrinews.kz tilshisi Lada.kz saityna silteme jasap.
Qaiǵyly oqiǵa 20 jeltoqsanda 16 jáne 19-shaǵynaýdandar arasynda bolǵan. Politsiia qyzmetkerleri 23.45-te shaqyrtý túskenin málimdedi.
"Toyota Land Cruiser júrgizýshisi jaiaý júrginshiler ótkelinen ótip bara jatqan júrginshini qaǵyp ketti. Nátijesinde, 29 jastaǵy áiel alǵan jaraqatynan oqiǵa ornynda qaza boldy", - dedi oblystyń Politsiia departamenti ókili.
Bes jasar qyzdyń Mańǵystaý oblystyq balalar aýrýhanasyna jetkizilgeni, keiin ol da esin jimastan qaitys bolǵany belgili boldy.
Bul derek Qylmystyq kodekstiń 345-baby 4-bóligi "Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn abaisyzda eki jáne odan da kóp adamnyń ólimine ákep soqqan jaǵdaida buzýy" boiynsha sotaldy tergep-tekserýdiń biryńǵai tiziliminde tirkelgen.
Quqyq qorǵaý organdary qazirgi ýaqytta tergeý amaldary júrgizilip jatqanyn málimdedi. Sot-meditsinalyq saraptama taǵaiyndaldy. Júrgizýshi ýaqytsha ustaý izoliatoryna qamalǵan.
