Videodan alynǵan kadr
Aqtaýda kásiporyn qyzmetkeri keńsege syrttai qarý men granataǵa uqsas zattar alyp kelgen. Oqiǵa áleýmettik jelide taraǵan beinejazbadan keiin belgili boldy. Kadrlarda politsiia qyzmetkeri kúmándi zat salynǵan sómkeni tekserip jatqany kórinedi. Al videoǵa bergen túsiniktemede ol “Intergaz Ortalyq Aziia” AQ qyzmetkerine tiesili ekeni aitylǵan, dep habarlaidy Ult.kz.
Mańǵystaý oblystyq politsiia departamentiniń málimetinshe, oqiǵa 30 sáýirde bolǵan. Aqtaý qalalyq politsiiasyna kásiporyn aýmaǵynda granataǵa uqsas zat ustaǵan er adam júrgeni týraly habar túsken.
Jedel jetken politsiia qyzmetkerleri tekserý júrgizip, er adamnyń sol kásiporynnyń qyzmetkeri ekenin anyqtaǵan. Onyń janynan syrttai qarý men granataǵa uqsaityn birneshe zat tabylǵan.
Keiin saraptama nátijesinde bul zattardyń naqty qarý emes, pirotehnikalyq buiymdar men peintbolǵa arnalǵan jabdyq ekeni belgili boldy. Zańmen tyiym salynǵan eshteńe anyqtalmaǵan.
Alaida er adamnyń mas kúide bolǵany belgili bolyp, ol ákimshilik jaýapkershilikke tartyldy. Sot sheshimimen oǵan esirtki zattaryn meditsinalyq maqsattan tys qoldanǵany úshin 10 táýlik ákimshilik qamaý jazasy taǵaiyndaldy.
Qazirgi ýaqytta oqiǵa boiynsha tekserý jalǵasyp jatyr.
