ۆيدەودان الىنعان كادر
اقتاۋدا كەسٸپورىن قىزمەتكەرٸ كەڭسەگە سىرتتاي قارۋ مەن گراناتاعا ۇقساس زاتتار الىپ كەلگەن. وقيعا ەلەۋمەتتٸك جەلٸدە تاراعان بەينەجازبادان كەيٸن بەلگٸلٸ بولدى. كادرلاردا پوليتسييا قىزمەتكەرٸ كٷمەندٸ زات سالىنعان سٶمكەنٸ تەكسەرٸپ جاتقانى كٶرٸنەدٸ. ال ۆيدەوعا بەرگەن تٷسٸنٸكتەمەدە ول “ينتەرگاز ورتالىق ازييا” اق قىزمەتكەرٸنە تيەسٸلٸ ەكەنٸ ايتىلعان, دەپ حابارلايدى Ult.kz.
ماڭعىستاۋ وبلىستىق پوليتسييا دەپارتامەنتٸنٸڭ مەلٸمەتٸنشە, وقيعا 30 سەۋٸردە بولعان. اقتاۋ قالالىق پوليتسيياسىنا كەسٸپورىن اۋماعىندا گراناتاعا ۇقساس زات ۇستاعان ەر ادام جٷرگەنٸ تۋرالى حابار تٷسكەن.
جەدەل جەتكەن پوليتسييا قىزمەتكەرلەرٸ تەكسەرۋ جٷرگٸزٸپ, ەر ادامنىڭ سول كەسٸپورىننىڭ قىزمەتكەرٸ ەكەنٸن انىقتاعان. ونىڭ جانىنان سىرتتاي قارۋ مەن گراناتاعا ۇقسايتىن بٸرنەشە زات تابىلعان.
كەيٸن ساراپتاما نەتيجەسٸندە بۇل زاتتاردىڭ ناقتى قارۋ ەمەس, پيروتەحنيكالىق بۇيىمدار مەن پەينتبولعا ارنالعان جابدىق ەكەنٸ بەلگٸلٸ بولدى. زاڭمەن تىيىم سالىنعان ەشتەڭە انىقتالماعان.
الايدا ەر ادامنىڭ ماس كٷيدە بولعانى بەلگٸلٸ بولىپ, ول ەكٸمشٸلٸك جاۋاپكەرشٸلٸككە تارتىلدى. سوت شەشٸمٸمەن وعان ەسٸرتكٸ زاتتارىن مەديتسينالىق ماقساتتان تىس قولدانعانى ٷشٸن 10 تەۋلٸك ەكٸمشٸلٸك قاماۋ جازاسى تاعايىندالدى.
قازٸرگٸ ۋاقىتتا وقيعا بويىنشا تەكسەرۋ جالعاسىپ جاتىر.
