Aqtaýda áiel men kámeletke tolmaǵan qyzdyń tóbelesip jatqany túsirilgen video talqylanyp jatyr, - dep habarlaidy Tengrinews.kz saity "Lada" basylymyna silteme jasap.
Tóbeles 34-shaǵynaýdandaǵy №10 úidiń aýlasynda bolǵan. Jelide jariialanǵan kadrlarda áiel men jasóspirim bir-biriniń shashynan ustap, tartyp jatqanyn kórýge bolady. Olardy basqa balalar qorshap turǵany kórinedi. Jasóspirimniń anasynyń aitýynsha, kórshi áiel múmkindigi shekteýli qyzyn soqqyǵa jyqqan.
Mańǵystaý oblystyq Politsiia departamentiniń baspasóz qyzmeti 17 qyrkúiekte saǵat 18:28 shamasynda kómek suraǵan qońyraý túskenin habarlady. Politsiiaǵa habarlasqan qala turǵynynyń aitýynsha, múmkindigi shekteýli qyzyn kórshisi urǵan.
"Qońyraýǵa shyqqan ýchaskelik inspektorlar derekti rastady. Kámeletke tolmaǵan qyzdy uryp-soqqan 36 jastaǵy áielge qatysty QR ÁQBtK-nyń 73-1-baby 1-bóligi jáne 127-baby 1-bóligi boiynsha ákimshilik hattama toltyryldy", - dedi politsiia.
