Aqtaýdaǵy bankterdiń biriniń ǵimaratynda inkassator 10 million teńge urlap, artynsha ózine qol salǵan, dep habarlaidy Lada.kz.
Oqiǵa 14-shaǵynaýdanda Halykbank ǵimaratynda bolǵan. 10 milliondy urlaǵannan keiin er adam ǵimarattyń jertólesine qamalyp, qyzmettik qarýmen basynan oq atqan.
Jedel-tergeý toby, dárigerler men Arnaiy jedel áreket etý jasaǵy qyzmetkerleri jertólege kiretin esikti qorshap alǵan. Marqum 43 jasta edi. Qalalyq politsiia departamentiniń baspasóz qyzmeti oqiǵany rastady.
"Qazir "Urlyq jáne ózin-ózi óltirýge itermeleý" deregi boiynsha Aqtaý qalalyq IIB qylmystyq is qozǵady", – dep habarlady departament.
"Halyk Inkassatsiia" jaǵdaiǵa qatysty pikir bildirdi.
"Halyk Inkassatsiia" JShS ókilderi Aqtaýda inkassatordyń ózine qol jumsaýy týraly aqparatty qalalyq politsiia basqarmasy rastaǵanyn habarlaidy. Qazir qaiǵyly oqiǵa bolǵan "Halyk Inkassatsiiada" jedel-tergeý is-sharalary júrgizilip jatyr. Osyǵan bailanysty kompaniia tergeý aiaqtalǵanǵa deiin istiń mán-jaiyna qatysty pikir bildirý men ony jariia etýden bas tartady", – dep málimdedi “Halyk Inkassatsiia"-nyń baspasóz qyzmeti.
