Aqtaýda er adam dúkenge shabýyl jasap, satýshy áieldi soqqyǵa jyǵyp, aiaýsyz tepkilegen, dep habarlaidy "Ult aqparat" oblystyq politsiia departamentiniń baspasóz qyzmetine silteme jasap.
Túngi 03:07-ler shamasynda Aqtaý qalasy Politsiia basqarmasynyń 102 kezekshi pýltine belgisiz er adam dúken satýshysyna qaraqshylyq shabýyl jasap, aqshasyn, uialy telefonyn urlap ketkendigi týraly habarlandy.
Oqiǵa ornyna patrýldik politsiia batalonynyń qyzmetkerleri bardy, olar qaraqshylyq shabýyl jasaǵan kúdiktini jedel ustady.
Atalǵan fakti boiynsha Qylmystyq kodekstiń 192-babymen sotqa deiingi tergeý bastaldy. Kúdikti Aqtaý qalasy PB ýaqytsha ustaý izoliatoryna qamaldy.
