Aqtaýda er adam balalarynyń kózinshe áieline kúsh kórsetken, dep habarlaidy "Ult aqparat" Lada.kz basylymyna silteme jasap.
Onyń bul ersi áreketi kópqabatty úidiń dálizinde ornatylǵan kameraǵa túsip qalǵan. Kadrlardan er adam áieldiń qolyn burap, aýzyn jaýyp turǵanyn kórýge bolady. Osydan keiin bul isin eshkim kórip turmaǵanyna kóz jetkizý úshin ainalasyna qaraidy.
Er adam áieldi liftke kúshtep kirgizip, shashynan tartyp, julqylaidy, al balalardyń shyńǵyryp jylap jatqan daýsy estiledi. Osy sátte taǵy bir turǵyn kelip qalyp, áiel er adamdy qýyp jiberedi.
Mańǵystaý oblysynyń politsiia departamenti bul jaittyń Aqtaýda bolǵanyn rastady. Quqyq qorǵaý organdary qyzmetkerleri videodaǵy er adam izdestirilip jatqanyn málimdedi.
