Aqtaýda 1-shaǵynaýdanda destrýktivti dini aǵymnyń jaqtastary ustaldy, dep habarlaidy "Ult aqparat" Mańǵystaý oblystyq politsiia departamentiniń baspasóz qyzmetine silteme jasap.
Shuǵyl quryqtaý opeartsiiasy keshe Aqtaýdaǵy 1-shaǵynaýdandaǵy jaǵalaýda boldy.
Kúdiktilerde atys jáne travmatikalyq qarý-jaraq pen olarǵa arnalǵan oq-dári tabyldy. Qazirgi ýaqytta sot-ballistikalyq saraptama taǵaiyndaldy.
«Oblys aýmaǵynda destrýktivti dini aǵym jeteginde júrgen adamdardy qadaǵalaý barysynda 8 jeltoqsanda Mańǵystaý oblysy politsiia departamentiniń ekstremizmge qarsy is-qimyl bólimshesiniń jáne JPB qyzmetkerleri jedel izdestirý sharalary barysynda Aqtaý qalasynyń 1-shaǵyn aýdany jaǵalaýy aýdanynda úsh avtokólikte bolǵan bir top adamdy ustady» dep habarlaidy departamenttiń baspasóz qyzmeti.
Ustalǵandardan úsh atys qarýy, tórt myltyq pen oq-dári tárkilendi.
Atalǵan fakti boiynsha Aqtaý qalasynyń politsiia basqarmasy QR QK 287-baby 2-bóligi boiynsha sotqa deiingi tergeý júrgizýde.
