Aqtaýda destrýktivti dini aǵym ókilderi bótenniń páterin ielenbek bolǵan, dep habarlaidy QazAqparat.
«9 qyrkúiekte destrýktivti dini aǵymnyń jaqtaýshylarynan quralǵan top aldyn ala sóz bailasyp, qarajat bopsalaýmen ainalysatyny týraly jedel aqparat kelip tústi. Tekserý nátijesinde olar zardap shekken adamǵa 20 million teńge kóleminde materialdyq shyǵyn keltirip, 3 bólmeli páterdi ózderine rásimdegen», - dep málim etti Mańǵystaý oblystyq Politsiia departamentinen.
Atalǵan derek QR Qylmystyq kodeksiniń 194-baby 3-bóligi (bopsalaý) boiynsha Mańǵystaý oblysy PD SDTBT-de tirkeldi.
Jedel-izdestirý is-sharalary barysynda Ekstremizmge qarsy is-qimyl basqarmasynyń qyzmetkerleri tórt kúdiktini ustap, olarǵa qatysty tintý sharalaryn júrgizgen. Kúdiktiler ýaqytsha ustaý izoliatoryna qamaldy.
