Kórneki foto: pixabay.com
Basyna fýtbol qaqpasy qulaǵan jasóspirim aýrýhanada qaitys boldy, dep habarlaidy "Ult aqparat" mangystaumedia.kz saityna silteme jasap.
Aqtaý qalasynda mektep janyndaǵy alańda basyna fýtbol qaqpasy qulap, zardap shekken jasóspirim búgin aýrýhanada kóz jumdy. Ol jaǵdaiy óte aýyr kúide jasandy tynys alý apparatyna qosylǵan edi.
Esterińizge sala keteiik, oqys oqiǵa 20 mamyrda keshke bolǵan.
"Mańǵystaý oblystyq kópbeiindi balalar aýrýhanasyna 16 jastaǵy bozbala kelip tústi. Oinap júrgende fýtbol qaqpasynyń temiri qulap, basyna zaqym keltirgen. Túsken kezde esinen tanyp jáne basy aýyrǵanyn aityp shaǵymdanǵan", - dedi oblystyq densaýlyq saqtaý basqarmasy.
Dárigerler naýqasty aýrýhanaǵa jatqyzady. Al 24 mamyrda keshke balanyń anasy kelip, úide emdeletinin aityp, alyp ketken. Dárigerlerdiń "5-7 kún jatyp em alý kerek" degenine qaramastan, "eshqandai shaǵymym joq" dep qolhat jazyp bergen. Bala 7 kún úiinde ata-anasynyń baqylaýynda bolǵan.
"31 mamyrda jasóspirim úiinde esinen tanyp, denesi qurysqan. Jedel járdem shaqyrtyp, alǵashqy kómek kórsetilgen soń, Mańǵystaý oblystyq kópbeiindi balalar aýrýhanasyna jetkizildi. Dárigerler insýlt belgileri bar ekenin anyqtaǵan. Bala komaǵa tústi. Jedel reanimatsiia bólimine jatqyzyldy. Qazirgi tańda jaǵdaiy óte aýyr", - dedi buǵan deiin densaýlyq saqtaý basqarmasy ókilderi.
