كٶرنەكٸ فوتو: pixabay.com
باسىنا فۋتبول قاقپاسى قۇلاعان جاسٶسپٸرٸم اۋرۋحانادا قايتىس بولدى, دەپ حابارلايدى "ۇلت اقپارات" mangystaumedia.kz سايتىنا سٸلتەمە جاساپ.
اقتاۋ قالاسىندا مەكتەپ جانىنداعى الاڭدا باسىنا فۋتبول قاقپاسى قۇلاپ, زارداپ شەككەن جاسٶسپٸرٸم بٷگٸن اۋرۋحانادا كٶز جۇمدى. ول جاعدايى ٶتە اۋىر كٷيدە جاساندى تىنىس الۋ اپپاراتىنا قوسىلعان ەدٸ.
ەستەرٸڭٸزگە سالا كەتەيٸك, وقىس وقيعا 20 مامىردا كەشكە بولعان.
"ماڭعىستاۋ وبلىستىق كٶپبەيٸندٸ بالالار اۋرۋحاناسىنا 16 جاستاعى بوزبالا كەلٸپ تٷستٸ. ويناپ جٷرگەندە فۋتبول قاقپاسىنىڭ تەمٸرٸ قۇلاپ, باسىنا زاقىم كەلتٸرگەن. تٷسكەن كەزدە ەسٸنەن تانىپ جەنە باسى اۋىرعانىن ايتىپ شاعىمدانعان", - دەدٸ وبلىستىق دەنساۋلىق ساقتاۋ باسقارماسى.
دەرٸگەرلەر ناۋقاستى اۋرۋحاناعا جاتقىزادى. ال 24 مامىردا كەشكە بالانىڭ اناسى كەلٸپ, ٷيدە ەمدەلەتٸنٸن ايتىپ, الىپ كەتكەن. دەرٸگەرلەردٸڭ "5-7 كٷن جاتىپ ەم الۋ كەرەك" دەگەنٸنە قاراماستان, "ەشقانداي شاعىمىم جوق" دەپ قولحات جازىپ بەرگەن. بالا 7 كٷن ٷيٸندە اتا-اناسىنىڭ باقىلاۋىندا بولعان.
"31 مامىردا جاسٶسپٸرٸم ٷيٸندە ەسٸنەن تانىپ, دەنەسٸ قۇرىسقان. جەدەل جەردەم شاقىرتىپ, العاشقى كٶمەك كٶرسەتٸلگەن سوڭ, ماڭعىستاۋ وبلىستىق كٶپبەيٸندٸ بالالار اۋرۋحاناسىنا جەتكٸزٸلدٸ. دەرٸگەرلەر ينسۋلت بەلگٸلەرٸ بار ەكەنٸن انىقتاعان. بالا كوماعا تٷستٸ. جەدەل رەانيماتسييا بٶلٸمٸنە جاتقىزىلدى. قازٸرگٸ تاڭدا جاعدايى ٶتە اۋىر", - دەدٸ بۇعان دەيٸن دەنساۋلىق ساقتاۋ باسقارماسى ٶكٸلدەرٸ.
