videodan alynǵan kadr
Aqtaýda balany qaǵyp óltirgen júrgizýshi qalai jazalatyny belgili boldy, - dep habarlaidy Tengrinews.kz saity Lada.kz-ke silteme jasap.
Basylym málimetinshe, sot otyrysynda prokýror bes jyl merzimge belgili bir laýazymdardy atqarý nemese belgili bir qyzmetpen ainalysý quqyǵynan aiyra otyryp, bir jylǵa bas bostandyǵynan aiyrýdy surady. Al sottalýshy jáne onyń qorǵaýshysy sottan jeńil jaza taǵaiyndaýdy surady.
Sot jaýapkershilik pen jazany jeńildetetin mán-jailar - kinásin moiyndaý, sottalmaǵanyn alǵa tartty.
Kólikti basqarǵan adamnyń jol qozǵalysy erejelerin buzǵany jáne abaisyzda ortasha aýyrlyqtaǵy densaýlyqqa ziian keltirgeni jáne abaisyzda adam ólimine ákep soqqany úshin bes jylǵa deiingi merzimge bas bostandyǵynan aiyrý, belgili bir laýazymdardy atqarý nemese bes jylǵa deiingi merzimge belgili bir qyzmetpen ainalysý quqyǵynan aiyrý túrindegi jaza kózdelgen.
Sot úkimimen jábirlenýshi taraptyń pikiri eskerilip, úsh jyl merzimge belgili bir laýazymdardy atqarý nemese belgili bir qyzmetpen ainalysý quqyǵynan aiyra otyryp, bir jylǵa bas bostandyǵynan aiyrý jazasy taǵaiyndaldy.
Sot úkimi zańdy kúshine engen joq.
Eske salaiyq, jol apaty 29 qarashada saǵat 13:15 shamasynda 31A jáne 31B yqshamaýdandary arasyndaǵy jolda bolǵan.
Artynsha qala turǵyndary adam ólimi bolǵan joldy jaýyp, jol apaty bolǵan jerge jyldamdyqty azaitqysh nemese baǵdarsham ornatýdy talap etti.
video: Lada.kz
