Foto: video kadry
Mańǵystaý oblysynyń Politsiia departamenti Aqtaýda turǵyn úi keshenniń birinde balalarynyń kózinshe áieline qol kótergen er adamnyń ustalǵanyn málimdedi, - dep habarlaidy «Ult aqparat» "Ladaǵa" silteme jasap.
Vedomstvo kúdiktiniń politsiia basqarmasynyń ýaqytsha ustaý izoliatoryna qamalǵanyn atap ótti.
"Qylmystyq is qozǵaldy. Tergeý múddesi úshin ózge aqparat jariia etilmeidi", - delingen habarlamada.
Eske salaiyq, buǵan deiin Aqtaýdaǵy beinebaqylaý kamerasyna er adamnyń balalarynyń kózinshe áieline jasaǵan shabýyly túsip qalǵany habarlanǵan bolatyn.
Kadrlardan er adam áieldiń qolyn burap, aýzyn jaýyp turǵanyn kórýge bolady. Keiin er adam ózderin eshkim kórip turmaǵanyna kóz jetkizý úshin ainalasyna qaraidy. Kadrda úi turǵyndarynyń biri paida bolady. Bul er adamnyń uryp-soǵý is-áreketin biraz ýaqytqa toqtatady.
Oqiǵa liftte jalǵasady. Munda áieldiń qorqynyshty aiqaiy men balalardyń jylaýy estiledi. Bir sátte jábirlenýshi shabýyldaýshyny liftten shyǵaryp jiberedi.
