Aqtaýda qurylysy júrip jatqan nysannyń joǵary qabatynda oinap júrgen balalardyń videosy áleýmettik jelide tarap ketti, dep habarlaidy "Ult aqparat".
Oqiǵa 1 jeltoqsan kúni 15-shaǵynaýdandaǵy ǵimarattardyń birinde bolǵan.
Videony túsirgen turǵyn teńiz jaǵalaýyndaǵy shaǵynaýdandardyń birinde qurylysy aiaqtalmaǵan ǵimarattyń sońǵy qabatynda kámeletke tolmaǵan balalardyń hokkei oinap júrgenin aitady. Bul jait turǵyndardy shoshytqan. Óitkeni jetkinshekter shyǵyp alǵan ǵimarattyń joǵary qabaty qorshalmaǵan. Al, Mańǵystaý oblysynda birneshe kúnnen beri qar aralas jańbyr jaýyp, kóktaiǵaq boldy.
Al, politseiler kámeletke tolmaǵandardyń jeke basyn anyqtady.
«9 jáne 14 jastaǵy eki bala politsiiaǵa jetkizildi. Olardyń ata-analary shaqyrylyp, túsindirme jumystary júrgizildi. Qurmetti ata-analar, balalar mundai jaǵdaidyń qanshalyqty qaýipti ekenin túsine bermeidi. Ata-analardyń, bilim berý mekemeleriniń, quqyq qorǵaý organdarynyń, buqaralyq aqparat quraldarynyń birlesken kúsh-jigeriniń arqasynda ǵana balalardyń ózin-ózi saqtaý instinktin damytyp, qoǵamda durys minez-qulyq daǵdylaryn qalyptastyrýǵa bolatynyna senimdimiz», - delingen vedomstvonyń baspasóz habarlamasynda.
