اقتاۋدا قۇرىلىسى جٷرٸپ جاتقان نىساننىڭ جوعارى قاباتىندا ويناپ جٷرگەن بالالاردىڭ ۆيدەوسى ەلەۋمەتتٸك جەلٸدە تاراپ كەتتٸ, دەپ حابارلايدى "ۇلت اقپارات".
وقيعا 1 جەلتوقسان كٷنٸ 15-شاعىناۋدانداعى عيماراتتاردىڭ بٸرٸندە بولعان.
ۆيدەونى تٷسٸرگەن تۇرعىن تەڭٸز جاعالاۋىنداعى شاعىناۋدانداردىڭ بٸرٸندە قۇرىلىسى اياقتالماعان عيماراتتىڭ سوڭعى قاباتىندا كەمەلەتكە تولماعان بالالاردىڭ حوككەي ويناپ جٷرگەنٸن ايتادى. بۇل جايت تۇرعىنداردى شوشىتقان. ٶيتكەنٸ جەتكٸنشەكتەر شىعىپ العان عيماراتتىڭ جوعارى قاباتى قورشالماعان. ال, ماڭعىستاۋ وبلىسىندا بٸرنەشە كٷننەن بەرٸ قار ارالاس جاڭبىر جاۋىپ, كٶكتايعاق بولدى.
ال, پوليتسەيلەر كەمەلەتكە تولماعانداردىڭ جەكە باسىن انىقتادى.
«9 جەنە 14 جاستاعى ەكٸ بالا پوليتسيياعا جەتكٸزٸلدٸ. ولاردىڭ اتا-انالارى شاقىرىلىپ, تٷسٸندٸرمە جۇمىستارى جٷرگٸزٸلدٸ. قۇرمەتتٸ اتا-انالار, بالالار مۇنداي جاعدايدىڭ قانشالىقتى قاۋٸپتٸ ەكەنٸن تٷسٸنە بەرمەيدٸ. اتا-انالاردىڭ, بٸلٸم بەرۋ مەكەمەلەرٸنٸڭ, قۇقىق قورعاۋ ورگاندارىنىڭ, بۇقارالىق اقپارات قۇرالدارىنىڭ بٸرلەسكەن كٷش-جٸگەرٸنٸڭ ارقاسىندا عانا بالالاردىڭ ٶزٸن-ٶزٸ ساقتاۋ ينستينكتٸن دامىتىپ, قوعامدا دۇرىس مٸنەز-قۇلىق داعدىلارىن قالىپتاستىرۋعا بولاتىنىنا سەنٸمدٸمٸز», - دەلٸنگەن ۆەدومستۆونىڭ باسپاسٶز حابارلاماسىندا.
