"Batys" óńirlik qolbasshylyǵy Aqtaýda joǵalǵan sarbazdyń tabylǵanyn málimdedi, dep habarlaidy Sputnik Qazaqstan.
14 mamyrda Aqtaý qalasynda patrýldik qyzmetke shyqqan sarbaz Baǵlan Ádilbekov jinalatyn orynǵa qaitpaǵan. Ol óz erkimen politsiiaǵa keldi.
"17 mamyrda shamamen saǵat 07.15-te 6656 áskeri bóliminiń qatardaǵy jaýyngeri Ádilbekov óz erkimen Aqtaý qalasynyń politsiia beketine keldi. Ol ata-anasymen kezdesken", - delingen resmi habarlamada.
Aita keteri, keshe Ádilbekovtyń joǵalǵany týraly aqparat shyqty. Resmi málimetke sáikes, ol 14 mamyr kúni qoǵamdyq tártipti qamtamasyz etýge shyqqan. Biraq keshke qarai áskeri jasaqtardyń jinalý jáne áskeri bólimge ketý ornyna kelmegen. Qatardaǵy jaýynger B.Ádilbekov 2021 jyldyń maýsym aiynda Aqtóbe qalasynyń qorǵanys isteri jónindegi departamentinen shaqyrylǵan.
