Foto: A.Sadatqyzy
Mańǵystaýdyń ekologiia departamenti jospardan tys tekserý nátijelerin jariialady.
Tekserý nátijesi boiynsha Aktau Tourism Ltd tarapynan ekologiialyq zańnamanyń talaptary saqtalmaǵany anyqtaldy, dep jazady"Lada".
Ákimshilik ister qozǵaldy:
Ákimshilik quqyq buzýshylyq týraly kodekstiń 331-baby 2-bóligi (Aýany qorǵaý jáne sý obektilerin lastanýdan jáne bitelýden qorǵaý jónindegi talaptardyń buzylýy);
Ákimshilik quqyq buzýshylyq týraly kodekstiń 328-baby 1-bóligi (Shyǵaryndylardyń tehnologiialyq normativterin, tógindilerdiń tehnologiialyq normativterin, emissiialardyń tehnologiialyq úlestik normativterin nemese qorshaǵan ortaǵa emissiialardyń normativterin asyrý, ekologiialyq ruqsatta kórsetilmegen kózderden emissiialardy júzege asyrý) boiynsha is qozǵaldy.
Mamandar qazirgi ýaqytta ákimshilik aiyppul mólsherin eseptelýde.
Sonymen qatar, ekologiia departamenti Qarakól kóline aǵyndy sýlardy aǵyzýdy toqtata turý, tazartý dárejesin ruqsat etilgen normativterge sáikes jetkizý nemese qalalyq kárizge aǵyndy sýlardy burý týraly uiǵarym shyǵardy.
Eske sala keteiik, Qarakól kólinde aqqýlardyń jappai qyrylýy faktisinen keiin oblystyń ekologiia deparatamentiniń mamandary Aktau Tourism Ltd qubyrynan sý synamalaryn alǵan bolatyn.
Qyrylǵan aqqýlardyń sany myńǵa jýyqtady dep habarlandy.
