Ábish Kekilbaiulynyń 80 jyldyǵyna arnalǵan mereitoilyq sharalar Abai atyndaǵy mádeni-demalys kesheninde jalǵasty, dep habarlaidy "Ult aqparat".
Saltanatty shara shymyldyǵy aitysker aqyn Mels Qosymbevtyń Ábish Kekilbaiulyna arnaýymen túrildi.
Jazýshyǵa arnalǵan teatrlandyrylǵan qoiylym kópshiliktiń kóńilinen shyqty. Qoiylymda Ábishtiń balalyq shaǵy beinelendi. Uiyqtap jatqan sábige Qudai aian beredi.
«Tur - seniń ornyń minber» - degen sózden soń oianady. Allanyń amanat buiryǵyn alǵan tobanaiaq bala aitqandy oryndady. Ýaqyttyń minberinen máńgilik oryn aldy.
Sultanbek Qudaibergenniń stsenariiin Serik Sariev kórermenge áserli jetkizdi. Jazýshy ómiriniń jiyntyǵyn sahnalaý úshin ónerpazdardyń is-qiymyly ekrandaǵy Baqytjan Bozabaev jasaǵan beine úziktermen úilestirilip, Ashat Ýbaidýllaev usynǵan áýendermen súiemeldendi.
Sharaǵa qatysqan Úkimet basshysynyń orynbasary Berdibek Saparbaev kósemsóz sheberiniń táýelsizdikti saqtaý maqsatyndaǵy eńbegin joǵary baǵalap, Elbasynyń quttyqtaý hatyn oqyp berdi.
