Mańǵystaý oblysynda Túrkiiadan zergerlik buiymdardyń ekonomikalyq kontrabandasyn iske asyrý deregi anyqtaldy, dep habarlaidy "Ult aqparat".
Mańǵystaý oblysy boiynsha ekonomikalyq tergeý departamenti «Áýejai - Aqtaý» keden beketiniń bas mamanyna qatysty qylmystyq isti tergeýdi aiaqtady.
Laýazymdy tulǵa qyzmet babyn paidalanyp, Túrkiiadan Qazaqstan aýmaǵyna 80 jiyntyq altyn buiymdaryn zańsyz tasymaldaýǵa kómektesken.
Úsh qazaqstandyq keden beketiniń qyzmetkeri arqyly qundy «taýarlardy» kedendik baqylaýdan ótkizdi.
Sońǵysy astyrtyn áreketi úshin 300 myń teńge alǵan.
Esepteýge sáikes zergerlik buiymdardyń kedendik quny 31 mln astam teńgeni , onyń ishinde kedendik tólemder – 7 mln astam teńgeni qurady.
Aqtaý qalasy sotynyń úkimimen laýazymdy tulǵa 5 jylǵa sottaldy, QR úsh azamatyna 7,8 mln teńge aiyppul salyndy.
