Aqtaýda 2 mln teńge úshin 21 jerden pyshaq salǵan qylmyskerge sot úkimi shyqty, dep habarlaidy QazAqparat.
Bul týraly Mańǵystaý oblysynyń qylmystyq ister jónindegi mamandandyrylǵan aýdanaralyq sotynyń baspasóz qyzmeti habarlady.
Eske sala keteiik, qaiǵyly oqiǵa 5 shaǵyn aýdandaǵy 28 úidiń páterinde bolǵan. 24 sáýirde keshke eki turǵynnyń arasynda janjal bolady. Saldarynan er adam áielge 21 ret pyshaq saldy. Jábirlenýshi alǵan jaraqatynan oqiǵa ornynda kóz jumdy.
«Sottalýshy quny 150 000 teńge turatyn «IPhone 7» uialy telefonyn jáne jábirlenýshige tiesili bank kartasyn alady. Qylmysker jábirlenýshiniń dalada oinap júrgen balasynan bank karta men telefonnyń pin-kodyn bildi. Sodan keiin shottan 2 000 000 teńge alyp, qalǵan 341 454, 18 teńgeni banktik mobildi qosymsha arqyly aýdaryp, óz qajettilikterine jumsaǵan», - delingen oblystyq sottyń baspasóz habarlamasynda.
Tergeý QR QK 99-babynyń 1-bóligi (kisi óltirý) jáne 188-babynyń 3-bóliginiń 1-tarmaǵy (Urlyq) boiynsha júrgizildi.
«Sottalǵan adamnyń is-áreketi is materialdarymen dáleldendi. Ol óz kinásin moiyndady. Sot úkimimen sottalýshy kináli dep tanylyp, oǵan 15 jylǵa bas bostandyǵynan aiyrý jazasy taǵaiyndaldy. Úkim zańdy kúshine engen joq», - dep habarlady sotta.
