Aqtaýda 12 jastaǵy bala kóshede kóz jumdy, dep habarlaidy "Ult aqparat".
Aldyn ala málimet boiynsha, balanyń júregi toqtap qalǵan. Oqiǵaǵa qatysty Aqtaý qalasynyń turǵyndary men oqiǵa kýágerleri de áleýmettik jelide jazba qaldyrdy.
Mańǵystaý oblysy Jedel járdem stantsiiasynyń direktory Airalbek oqiǵaǵa túsinik berip, balanyń júregi dárigerler kelgenge deiin toqtap qalǵanyn, alaida feldsher balany jarty saǵattai reanimatsiialaýǵa tyrysqanyn aitty.
«Brigadaǵa shaqyrtý túskennen keiin sol orynǵa toǵyz minýtta jetti. Balany birden tekserdi. Alaida balanyń júregi dárigerler kelgenge deiin toqtap qaldy. Osyǵan qaramastan, feldsherler 30 minýt júrek-ókpe reanimatsiiasyn júrgizdi. Bizdegi ereje sondai. Biraq ókinishke qarai bul nátije bermedi. Balany kóshede ótip bara jatqan adamdar taýyp, habarlaǵan», - dedi Airalbek Shyrshyqbaev.
