Aqtaý turǵyny qalada samsa, bálish satatyn dúńgirshekterdiń birinde tyshqandar júrgenin videoǵa túsirip aldy. Kadrlar Instagram-da jariialandy, - dep habarlaidy Tengrinews.kz agenttigi InAktau saityna silteme jasap.
Videoda eki tyshqan nanda júrgenin kórýge bolady.
"Kóshede tamaq alǵanda abai bolyńyzdarshy, ótinish. Bir nárseni satyp almas buryn ainalańyzǵa qarańyz, bul sumdyq qoi. Birneshe tyshqan júr. Bul 22-shaǵynaýdandaǵy bazar, qurylys dúkeniniń artynda", - deidi video avtory.
Buǵan deiin Ulttyq Respýblikalyq balalardy ońaltý ortalyǵynyń ashanasynan bógde zat tabylǵan. Býfetke kelýshilerdiń aitýynsha, bálishte óli tyshqan bolǵan.
