Foto: QR UQK baspasóz qyzmeti
Aqtaý jáne Taraz qalalarynda qarýdyń zańsyz ainalymy arnasynyń jolyn kesý boiynsha arnaiy operatsiia júrgizildi, - dep habarlaidy "Ult aqparat" QR UQK baspasóz qyzmetine silteme jasap.
10-12 maýsymda Ulttyq qaýipsizdik komitetiniń jedel qyzmetkerleri "A" arnaiy maqsattaǵy qyzmetiniń kúshtik qamtamasyz etýimen Aqtaý jáne Taraz qalalarynda qarýdyń zańsyz ainalymy arnasynyń jolyn kesý boiynsha arnaiy operatsiia júrgizdi.
"Qylmysty jasady degen kúdikpen respýblikamyzdyń bes turǵyny ustalyp, onyń ekeýi tergeý oqshaýlaǵyshyna qamaldy. UQK qyzmetkerleri uzaq ýaqyt zerdeleý barysynda atys qarýy men oq-dárini ákelý jáne satý joldaryn qujattap alǵan.
Sotaldy tergeý figýranttary qupiialyq sharalaryn qatań saqtap kelgen jáne saýdalaý barysynda ártúrli amaldardy qoldanǵan", - delingen habarlamada.
Arnaiy operatsiia nátijesinde zańsyz ainalymnan eki «Kalashnikov» avtomaty jáne 100 birlik oq-dári tárkilendi.
Jedel-tergeý is-sharalary jalǵasyp jatyr.
