Foto: © Sputnik
Mańǵystaý oblysynda Bilim bóliminiń basshysy ustaldy, - dep habarlaidy "Ult aqparat" Antikor baspasóz qyzmetine silteme jasap.
"Mańǵystaý oblysy boiynsha Sybailas jemqorlyqqa qarsy qyzmet bilim berý salasynda zańsyz baiýdyń jemqorlyq shemasyn ashty.
Júrgizilgen jedel-tergeý is-sharalarynyń nátijesi boiynsha Aqtaý qalasy Bilim bóliminiń basshysy áshkerelendi.
Ol az qamtylǵan otbasylardan shyqqan otbasylarǵa tamaqtandyrý qyzmetterin kórsetý boiynsha jasalǵan sharttar sheńberinde oryndalǵan jumystar aktilerine kedergisiz qol qoiǵany úshin, sondai-aq aqsha qarajatyn aýdarý jáne jalpy qamqorlyǵy úshin para alý faktisi boiynsha kúdikke ilindi" - delingen habarlamada.
Agenttik málimetinshe, sottyń sanktsiiasymen kúdikti qamaýda ustalady. Sotqa deiingi tergeý jalǵasyp jatyr.
Qylmystyq-protsestik kodeksiniń 201-babyna sáikes ózge aqparat jariia etýge jatpaidy. Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
