Ulttyq qaýipsizdik komiteti "jutqyshtar" dep atalatyndardyń Qazaqstanǵa esirtki jetkizý kontrabandalyq arnasynyń jolyn kesti.
Aqparatqa sáikes, 24 qańtarda UQK Aqtaý qalasynyń halyqaralyq áýejaiynda UQK Mańǵystaý oblysy boiynsha departamentiniń jedel qyzmetkerleri men shekarashylar esirtki tasymaldady degen kúdikpen eki sheteldik azamatty ustaǵan.
“Osy jolaýshylardyń ish qýysyna rentgenoskopiialyq zertteý bógde zattardyń bar ekenin kórsetti. Arnaiy meditsinalyq tásildermen sheteldikterdiń asqazandarynan apiyn tobynyń esirtkisinen turatyn 295 konteiner shyǵaryldy. Alynǵan zattardyń jalpy salmaǵy 2 kg-dy qurady”, – delingen málimette.
Sot sheshimimen figýranttarǵa qamaýda ustaý túrindegi bultartpaý sharasy tańdalǵany aitylady.
“Qylmystyq kodekstiń 286-baby 4-bóligi boiynsha sotqa deiingi tergep-tekserý júrgizilýde”, – dep qosty UQK.
