Foto: aktau_airport_official/Instagram
Básekelestikti qorǵaý jáne damytý agenttiginiń Mańǵystaý oblysy boiynsha departamenti «Aqtaý halyqaralyq áýejaiy» AQ-na qatysty tergep-tekserýdi qaita bastady.
Tergeýge aviaotyndy saqtaýǵa arnalǵan rezervýarlardy jalǵa berý qyzmeti boiynsha monopoliialyq joǵarǵy baǵa belgileý negiz bolyp otyr.
«Aviaotyndy saqtaý erekshe taýar naryǵyna jatady. Áýejaida qyzmet kórsetý qaǵidalaryna sáikes, aviakompaniialar tasymaldaý qyzmetin júzege asyrý úshin aviatsiialyq otynnyń saqtalýyn áýejaidyń ózi qamtamasyz etýi kerek. Alaida onyń ornyna áýejai zańnamada kózdelgen tikelei mindettemesinen ózin-ózi shettetip, rezervýardy tiisti taýar naryǵyndaǵy eń joǵary baǵamen aviakompaniialarǵa jalǵa bergen. Áýejai monopoliiaǵa qarsy vedomstvonyń dálelderimen kelispei, monopoliiaǵa qarsy organnyń tekserý júrgizý týraly buiryǵyn zańsyz dep taný jáne kúshin joiý jóninde sotqa talap aryz túsirgen bolatyn. Uzaqqa sozylǵan (1 jyl 3 ai) sot nátijesinde Joǵarǵy sottyń qaýlysymen talapkerdiń shaǵymy qanaǵattandyrýsyz qaldyryldy» dep jazylǵan vedomstvo taratqan aqparatta.
Qazirgi ýaqytta tergeý jalǵasyp jatyr.
Elimizdiń monopoliiaǵa qarsy zańnamasy boiynsha zań buzý derekteri anyqtalǵan jaǵdaida tiisti sharalar qabyldanbaq.
