Aqtaý qalasy mańynda iesiz dala kezip júrgen jerinen ustalǵan arystandy eshkim óltirmeidi. Bul týraly Ekologiia, geologiia jáne tabiǵi resýrstar ministrligi Orman sharýashylyǵy jáne janýarlar álemi komitetiniń baspasóz hatshysy Sáken Dildahmet málim etti, dep habarlaidy "Ult aqparat".
«Tańerteń «Aqtaýdaǵy arystandy uiyqtatyp tastaidy eken» degen aqparat taraǵan bolatyn. BAQ-tan resmi memlekettik organdardyń aqparattaryna ǵana súienýdi ótinemin. Facebook-te Kirill Osin esimdi jeli qoldanýshy taiaý ýaqytta arystandy uiyqtatyp tastaýy múmkin dep jazǵan bolatyn. Bul aqparat - jalǵan. Arystan ómir súredi. Iá, búginde arystandy asyraýǵa qatysty problemaǵa tap bolyp otyrmyz. Mańǵystaý oblystyq Orman jarýashylyǵy jáne janýarlar álemi aýmaqtyq ispektsiiasynyń memlekettik inspektorlary osy fakti boiynsha sotqa júgindi. Ázirshe sot sheshimin kútemiz», - dep jazdy ol Facebook-te.
Onyń atap ótýinshe, komitet zoobaqtar men ózge oryndarǵa arystandy asyraýǵa qatysty ótinim joldap, qazirgi ýaqytta olardan jaýap kútip otyr. Arystandy baǵyp-qaǵatyn oryn aiqyndalǵannan keiin ań belgili bir organnyń qaraýyna beriledi. Al ázirshe ol Aqtaýdaǵy tsirk ókilderiniń baǵyp-qaǵýyna berilgen.
«Arystandy tamaqtandyrý ońai emes. Aralaryńyzda etpen kómek bere alatyn adam bolsa, onda myna nómirge habarlasýdy ótinemin: +7 (771) 605-26-70 (Talǵat Álenov, Mańǵystaý inspektsiiasynyń bas mamany)», - dedi Sáken Dildahmet.
Aita keteiik, 25 maýsymda 102 pýltine Aqshúkir kentinde emin-erkin júrgen arystan týraly habar kelip túsip, politsiia ańdy ustap alǵan edi.
Iesi izdestirilip jatqan ań shamamen 1-1,5 jasta. Arystan - atalyq (erkegi yzaqor dep atalady). Afrikalyq arystannyń bir túri. Adamdardan qoryqpaidy. «Arystan SITES konventsiiasynyń (joǵalý qaýpinde turǵan, jabaiy faýna men flora túrleriniń halyqaralyq saýdasy boiynsha konventsiiasy) tizimine engizilgen.
